Maʼlum qilinishicha, Toshkent shahar Ekologiya boshqarmasi Olmazor tumani boʻlimi inspektorlari tomonidan oʻtkazilgan reyd davomida tumandagi “Guruchariq” mahallasi xonadonlarining birida Oʻzbekiston Qizil kitobiga kiritilgan 1 juft Turkiston oq laylaklari saqlanayotganligi aniqlangan.

Holat yuzasidan oʻrganish ishlari olib borilganda fuqaro B.A. qushlarni oʻtgan yilning yoz oyida Sirdaryo viloyati hududida qanotlari singan holda topib olganligini hamda ularga yordam koʻrsatib, parvarish qilib kelayotganligini bildirgan.

Fuqaroga yovvoyi, shuningdek, Oʻzbekiston Qizil kitobiga kiritilgan jonzotlarni uyda noqonuniy saqlash mumkin emasligi tushuntirilgan hamda laylaklar tabiat bagʻriga qoʻyib yuborilgan.