Kelayotgan oy ob-havosi bo‘yicha O‘zgidromet agentligi xabar berdi.

Unga ko‘ra, fevral oyi odatdagidan biroz iliqroq bo‘ladi. O‘rtacha oylik havo harorati meʼyor atrofida bo‘lishi kutilmoqda. Baʼzi joylarda meʼyordan 1-1,5 daraja yuqori bo‘lib, 2-4 daraja iliqni, shimolda 2 daraja sovuq, 1 daraja iliqni, janubda 6-8 daraja iliqni tashkil etadi.

Fevral oyining boshi nisbatan sovuq bo‘lishi kutiladi. Birinchi besh kunlikda havo harorati, asosan, kechalari 0-5 daraja sovuq, kunduz kunlari 2-7 daraja iliq bo‘ladi. Baʼzi joylarda harorat 0-2 darajagacha sovuq bo‘ladi.

Yomg‘ir va qor ko‘rinishidagi yog‘ingarchilik 1 fevral va 4 fevral kunlari respublikaning markaziy va sharqiy viloyatlarida, 3-fevralda janubiy viloyatlarida bo‘lib o‘tadi.

Ikkinchi besh kunlikda harorat kechalari 0-5, kunduz kunlari esa 8- 13 darajagacha ko‘tariladi.

7-8-fevral kunlari asosan yomg‘ir ko‘rinishidagi yog‘ingarchilik bo‘lishi mumkin.

Oyning oxirigacha harorat o‘zgarib turadi.

Fevral oyida yog‘ingarchilik miqdori meʼyordan kam, baʼzi joylarda meʼyor atrofida bo‘lishi kutilmoqda.