“Dok-1 Maks” fojiasi doirasidagi sud ishining 29-yanvar kuni bo‘lib o‘tgan majlisida “Quramax Medical” MCHJ bosh direktori sudlanuvchi Singx Ragvendra Pratarning ko‘rsatmasi tinglandi.

Uning aytishicha, tergov jarayonida noqonuniy xatti-harakatlar qo‘llanilib, tan jarohati yetkazilgan. Endilikda Singx Ragvendra Pratar bosim ostida bergan ko‘rsatmalaridan voz kechishini aytgan. Bu haqida O‘zbekiston Milliy axborot agentligi xabar berdi.

Xabarga ko‘ra, sudlov hayʼati tergov jarayonida noqonuniy harakatlar amalga oshirilgani to‘g‘risidagi ko‘rsatuvlar bo‘yicha o‘zining tashabbusi bilan qaror qabul qilgan va sud tibbiy ekspertizasi tayinlagan.

Shu munosabat bilan sudlov hayʼati 2-fevralga qadar tanaffus eʼlon qilgan.