Prezident boshchiligida o‘tkazilayotgan yig‘ilishda Toshkent shahrida tirbandlik katta muammoga aylanib borayotgani taʼkidlandi.

Jumladan, ayrim ko‘chalarda ish kunlari o‘rtacha 7-9 ballik, baʼzan 10 ballik tirbandliklar kuzatilayotgani, baʼzilariga 2 karra ko‘p yuklama tushayotgani kuzatilgan. Yig‘ilishda ana shu masalaga jiddiy eʼtibor qaratildi.

"Shaharsozlik va yo‘l harakatiga masʼul barcha bo‘g‘indagi rahbarlar "Shahar – piyodalar uchun” degan shiorni o‘zining asosiy tamoyili qilib olishi shart.

Bunda, jamoat transportiga har tomonlama ustunlik berilishi, avtomobillar esa hashamatga aylanishi kerak", - deb aytgan Prezident.

Yig‘ilish davomida bosh vazir o‘rinbosari A.Ramatov, Transport vazirligi, Toshkent shahar hokimligiga tizimli yondashgan holda tirbandliklar muammosi bo‘yicha takliflarni shakllantirish va Prezidentga taqdimot qilish vazifasi topshirildi.