Ushbu hodisa Shahrixon tumanidagi buyum bozorida sodir bo‘lgan va yong‘in natijasida taxminan 700-800 kvadrat metr maydon yonib zararlangan. Yong‘in oqibatida kuyish tan jarohatini olish va halok bo‘lish holatlari to‘g‘risida ma’lumotlar kelib tushmagan.

Ijtimoiy tarmoqlarda Andijon viloyati Shahrixon tumanidagi buyum bozori yonayotgani haqida videolar tarqaldi. Videolarda bozordagi do‘konlar yonayotgani, olov juda katta hududni qamrab olganini ko‘rish mumkin.

Yong‘in haqidagi xabar FVBga 25-yanvar kuni soat 23:30 da kelib tushgan. Shunga ko‘ra, 20 ta yong‘in-qutqaruv ekipaji soat 23:32 da hodisa joyiga yetib borib, yong‘in 26-yanvar kuni soat 00:30 da o‘rab olingan va 01:53 da bartaraf etildi.

Yong‘in natijasida taxminan 700-800 kvadrat metr maydon yonib zararlangan. Yong‘in oqibatida fuqarolarning kuyish tan jarohatini olish va halok bo‘lish holatlari kuzatilmagan.

Hozirda yong‘in sababi va moddiy zarar miqdori aniqlanmoqda. Voqea joyida viloyat hamda tuman FVB rahbar xodimlari ishlamoqda.