Qatagʻon qurbonlari xotirasi davlat muzeyi ofisining yangi binosi devorida isteʼdodli dizayner va rassomlar tomonidan jadid maʼrifatparvarlariga bagʻishlangan maxsus mural yaratildi. Bu haqda Milliy mass-mediani qoʻllab-quvvatlash va rivojlantirish jamoat fondi xabar berdi.

Maʼlum qilinishicha, muralda Mahmudxoʻja Behbudiy, Munavvarqori Abdurashidxonov, Abdurauf Fitrat, Abdulla Avloniy, Abdulhamid Choʻlpon va Abdulla Qodiriy kabi jadidchilik harakatining eng yorqin vakillari suratlari aks etgan. Mazkur mural “Shahidlar xotirasi” yodgorlik majmuasining bir qismiga aylanadi.