Ekologiya vazirligiga qarashli Hisor davlat qoʻriqxonasi hududida oʻrnatilgan fotoqopqonga Turkiston silovsini bolalari muhrlandi.

Turkiston silovsini zaif, kamayib borayotgan, mozaik tarzda tarqalgan kichik tur sifatida Tabiatni muhofaza qilish xalqaro ittifoqi Qizil roʻyxati hamda Oʻzbekiston Qizil kitobiga kiritilgan. Oʻzbekistonda bu tur Gʻarbiy Tyan-Shan va Pomir-Oloyda yashaydi.

Hisor qoʻriqxonasi hududida oʻtkazilgan kuzgi sanoq natijalariga koʻra, 191 bosh Turkiston silovsini roʻyxatga olingan. Muhofaza etiladigan hudud xodimlarining ta’kidlashicha, silovsinlarning soni ko‘paymoqda.