Toshkent tibbiyot akademiyasiga qarashli qadimiy binoning restavratsiya loyihasi tasdiqlandi

Saqlash
11:01 / 22.01.2024 1066 0

2024-yil yanvar oyining boshida ijtimoiy tarmoqlarda poytaxtning Yashnobod tumanida joylashgan Toshkent tibbiyot akademiyasining ko‘p tarmoqli klinikasi binosi buzilishi haqida xabarlar keng muhokamalarga sabab bo‘lgan edi. O‘shanda Madaniy meros agentligi rasmiy bayonet berib, bino buzilmasligi hamda obyektda olib boriladigan ta’mirlash ishlari haqida qo‘shimcha axborot berilishini ma’lum qilgandi.

 

2024-yilning 11-yanvar kuni Madaniy meros agentligi huzuridagi Ilmiy-ekspert kengashining 1-sonli yig‘ilishi bo‘lib o‘tgan. Yig‘ilishda “O‘zshaharsozlik LITI” davlat muassasasi tomonidan taqdim etilgan “Toshkent tibbiyot akademiyasining ko‘p tarmoqli klinikasida bino va inshootlarini qurish, rekonstruksiya qilish” loyihasi ko‘rib chiqilgan.

 

Loyihaga ko‘ra, ushbu binoga mos ravishda 26 metr, 13 metr va 52 metr masofalardagi “Akkreditatsiya-simulyatsiya” qo‘shimchasiga 2 ta yotoqxona binosini qurish, loyihada cherkov bo‘lgan binoning yuqori qismini tiklash, binolarning tashqi ko‘rinishini hamda konstruktiv holatini saqlash belgilangan.

 

Agentlik huzuridagi Ilmiy-ekspert kengashi tomonidan “O‘zshaharsozlik LITI” davlat muassasasi tomonidan ishlab chiqilgan Toshkent tibbiyot akademiyasining binosi (sobiq Kadetlar binosi) rekonstruksiya qilish va inshootlarini qurish loyihasi yuqorida belgilangan talablar, shuningdek, binoning tashqi ko‘rinishini konstruktiv tarzda saqlash sharti bilan tasdiqlangan.

Izoh yo‘q

Izoh qoldirish