O‘zbekistonda maktab o‘quvchilari orasida tamaki mahsulotlari iste’mol qilish tarqalganligi o‘rganiladi

Saqlash
10:01 / 22.01.2024 810 0

O‘zbekiston aholisi orasida xalqaro qabul qilingan standart metodologiya asosida keng ko‘lamli tadqiqotlar o‘tkaziladi. Bu “Aholi salomatligi-2030” milliy strategiyasining 2024-2026 yillarga mo‘ljallangan amaliy tadbirlar rejasida belgilangan.

 

Unga ko‘ra, respublikada HBSC tekshiruvi o‘tkaziladi. Unda maktab yoshidagi bolalar orasida salomatlik sohasida fe’l-atvor o‘rganiladi.

 

Shuningdek, GYTS tekshiruvi tashkillashtiriladi. U maktab o‘quvchilari orasida tamaki mahsulotlarini iste’mol qilishning tarqalganligini o‘rganishga qaratilgan.

 

Bundan tashqari, STEPS tekshiruvi o‘tkazish ham mo‘ljallangan. U katta yoshdagi aholi orasida yuqumli bo‘lmagan kasalliklar xavfli omillarining tarqalganligini o‘rganishni nazarda tutadi.

 

Anemiya (temir moddasi, V12 vitamini yetishmasligi), yod yetishmasligi, foliy kislotasi va A vitamini yetishmasligining tarqalganligi va sabablarini o‘rganish ham rejalashtirilmoqda.

 

Rejada aholi tomonidan tuz iste’mol qilish darajasini o‘rganish ham belgilangan.

Izoh yo‘q

Izoh qoldirish