Favqulodda vaziyatlar vazirligi 2024-yil 16-yanvar kuni Rossiyaning Samara viloyatida yuz bergan yo‘l-transport hodisasida uch nafar O‘zbekiston fuqarosi halok bo‘lganini tasdiqladi.

Yuk mashinasi bilan to‘qnashib ketgan “Lada Largus” avtomashinasi salonidagi yeti nafar O‘zbekiston fuqarosidan uch nafari halok bo‘lgan, to‘rt nafari turli jarohatlar bilan kasalxonaga yotqizilib, davolanmoqda.

Xabarda aytilishicha, Favqulodda vaziyatlar, Tashqi ishlar, Ichki ishlar, Sog‘liqni saqlash va Transport vazirliklari, shuningdek, Tashqi mehnat migratsiyasi agentligi tomonidan vafot etgan va jabrlangan fuqarolarni O‘zbekistonga olib kelish yuzasidan kerakli barcha zarur choralar ko‘rilmoqda.