14-yanvar – Vatan himoyachilari kuni hamda Qurolli Kuchlar tashkil topganining 32 yillik bayrami munosabati bilan, Urganch tumanida Mudofaa vazirligi harbiy xizmatchilariga imtiyozli ipoteka kreditlari asosida yangi xonadonlar foydalanishga topshirildi. Bu haqda Mudofaa vazirligi xabar berdi.

Yangi obyektni foydalanishga topshirish marosimida Shimoli-gʻarbiy harbiy okrug qoʻshinlari qoʻmondoni general-mayor Farhodjon Shermatov, Xorazm viloyati hamda tuman hokimliklari vakillari, Qurolli Kuchlar faxriylari, baxtli xonadon egalari hamda ularning yaqinlari ishtirok etgan.

Tantanali tadbir davomida yangi xonadon sohiblariga uylar kalitlari topshirilib, yaxshi tilaklar bildirilgan.