Xorazm viloyatining Urganch shahrida 14 yoshli bola otasi tomonidan ayovsiz kaltaklangan. Ijtimoiy tarmoqlarda voyaga yetmagan bu bolaning tan jarohatlari tasvirga olingan video tarqaldi.

IIV matbuot kotibining ma’lum qilishicha, ushbu bolaga tan jarohatlar 2024-yil 7-yanvar kuni o‘zining otasi, 1972-yilda tug‘ilgan A.X. tomonidan o‘g‘li axloqsizlikka yo‘l qo‘ygani vaji bilan yetkazilgan.

Hozirda voyaga yetmagan bolaga tibbiy va psixologik yordam ko‘rsatilgan. Tegishli sudga oid ekspertizalar tayinlangan.

Holat yuzasidan Urganch shahar Ichki ishlar organlari tomonidan tergov oldi surishtiruv harakatlari olib borilmoqda.