Oʻzbekistonda 2024-yilda mol-mulkni ijaraga beruvchi jismoniy va yuridik shaxslar uchun belgilangan ijara toʻlovining eng kam miqdori eʻlon qilindi.

“2024-yil uchun Oʻzbekiston Respublikasining Davlat budjeti toʻgʻrisida”gi qonun qabul qilingandi. Qonun bilan soliq solish maqsadida ijara toʻlovining minimal stavkalari tasdiqlandi.

Unga koʻra, turar joy 1 kvadrat metri uchun belgilangan stavka miqdori quyidagicha boʻladi:

Toshkent shahrida — 25 000 soʻm;
Nukus shahri va viloyat markazi boʻlgan shaharlarda — 12 000 soʻm;
Boshqa aholi punktlarida — 5 000 soʻm.

Avtomobil transporti:

Yengil avtomobil uchun — 780 000 soʻm;
Mikroavtobuslar, avtobuslar va yuk mashinalari uchun — 1 550 000 soʻm.
Quyidagi jadvalda ijara toʻlovining yangi minimal stavkalari keltirildi.

Soliq qoʻmitasining xabar qilishicha, mazkur stavkalar koʻchmas mulkdan tekin foydalanish shartnomalariga (yaqin qarindoshlar oʻrtasidagi shartnomalardan tashqari) ham tatbiq etiladi.