Har yili koʻpchiligimizni bu yil ham Yangi yil kunida qor yogʻarmikan degan savol qiynaydi. Oyina.uz mazkur savol bilan Gidrometeorologiga markazi Matbuot xizmatiga chiqdi.

Bizga berilgan maʼlumotlarga koʻra, 31-dekabr kuni poytaxtimiz Toshkent shahrida kechasi 0-5 daraja sovuq, kunduzi +2+7 daraja iliq boʻladi.

Qoraqalpogʻiston Respublikasi va Xorazm viloyatida kechasi -4-9, kunduzi +0+5 daraja iliq boʻladi.

Buxoro va Navoiy viloyatlarida kechasi -2-7, kunduzi +3+8 daraja iliq boʻladi.

Toshkent, Samarqand, Jizzax va Sirdaryo viloyatlarida kechasi 0-5, kunduzi +2+7 daraja iliq boʻladi.

Qashqadaryo va Surxondaryo viloyatlarida kechasi -3 daraja sovuq,+2 daraja iliq, kunduzi +5+10 daraja iliq boʻladi.

Andijon, Namangan va Fargʻona viloyatlarida kechasi 0-5 daraja. kunduzi +2+7 daraja iliq boʻladi.

Respublikamizning barcha hududlarida havo oʻzgarib turadi, yogʻingarchilik kutilmaydi. Shamol sharqdan sekundiga 7-12 metr tezlikda esadi.

Umuman olganda bu yil ham yangi yil kuni qor yogʻmaydi.