2023-yilning yanvar-noyabr oylarida Oʻzbekiston Respublikasining tashqi savdo aylanmasi 57,3 mlrd AQSH dollariga yetgan. Bu haqda Statistika agentligi xabar berdi.

Agentlikka koʻra, tashqi savdo aylanmasi hajmi oʻtgan yilning mos davriga nisbatan solishtirilganda 26,2 foizga oshgan.

Eksport – 23,2 mlrd (30,6 foizga oshgan), import – 34,1 mlrd (23,3 foizga oshgan).

Oʻzbekiston 2023-yilning yanvar-noyabr oylarida jahonning 199 ta mamlakati bilan savdo aloqalarini amalga oshirgan.

TSAning nisbatan salmoqli hissasi Xitoy (21,3 foiz), Rossiya (15,5 foiz), Qozogʻiston (7 foiz), Turkiya (5 foiz) va Koreya Respublikasi (3,7 foiz) bilan qayd etilgan.