Oliy taʼlim, fan va innovatsiyalar vazirligi 2024/2025-oʻquv yili uchun bakalavriat taʼlim yoʻnalishlari va ularga mos test sinovi (kasbiy (ijodiy) imtihon) topshiriladigan fanlar majmuasi eʼlon qildi.

Abituriyentlar yoʻnalishlar boʻyicha fanlar majmuasida koʻrsatilgan 2 ta mutaxassislik fanidan tashqari majburiy fanlar: ona tili, matematika va Oʻzbekiston tarixidan ham test topshiradi.

Vazirlik maʼlumotiga koʻra, 2024/2025-oʻquv yili qabul parametrlari tasdiqlanganda yangi tashkil etilgan taʼlim yoʻnalishlari fan majmualari qoʻshimcha tasdiqlanadi.

Taʼlim yoʻnalishlarini optimallashtirish natijasiga koʻra yoʻnalishlar nomi oʻzgarganda, shuningdek, yangi yoʻnalishlar tashkil etilganda mos ravishda tegishli oʻzgartirishlar kiritilishi mumkin.