Toshkentdagi xonadonda yuz bergan yongʻinda ayol va uning ikki qizi halok boʻldi. Bu haqda Bosh prokuratura axborot xizmati rahbari Hayot Shamsuddinov maʼlum qilgan.

Voqea Yashnobod tumanidagi xonadonlarning birida 18-dekabr kuni yuz bergan, holat aks etgan video ijtimoiy tarmoqlarda tarqaldi.

Maʼlum boʻlishicha, ushbu yongʻindan 28 yoshli ayol hamda 8 va 5 yoshdagi ikki qiz vafot etdi. Holat yuzasidan Jinoyat kodeksining 259-moddasi (yongʻin xavfsizligi qoidalarini buzish) bilan jinoyat ishi qoʻzgʻatilgan.

Ushbu yongʻin haqida FVV va FVB hozircha hech qanday maʼlumot eʼlon qilmagan.