Ayni kunlarda BAAning Al-Ayn shahrida shaxmat boʻyicha yoshlar va oʻsmirlar oʻrtasida Osiyo chempionati oʻtkazilmoqda.

Musobaqada 41 ta davlatdan 650 nafar shaxmatchilar ishtirok etmoqda. Oʻzbekiston sharafini himoya qilayotgan Umida Omonova blits yoʻnalishida 1-oʻrinni qoʻlga kiritdi.

Shuningdek, yana bir hamyurtimiz Davron Sharipov 2-oʻrinni egallagan boʻlsa, Malikaxon Jumayeva va Husnoraxon Husniddinovalar 3-oʻrin sohibiga aylandi.

Maʼlumot uchun, Umida Omonova shaxmatning rapid yoʻnalishida ikki karra jahon chempioni hisoblanadi.