Toshkent metrosining Yerusti halqa yoʻlining II bosqichi doirasidagi Quruvchilar dahasidan Sergeli mavzesiga qadar qurilayotgan ikkita yangi metro bekatlarida (“Turon” va “Qipchoq”) qurilish ishlari oʻz yakuniga yetkazildi.

Metropoliten qurilish qoidalari va meʼyorlariga koʻra, “Turon” (13-bekat) va “Qipchoq” (14-bekat) bekatlarida 15-dekabrdan boshlab sinov tariqasida (yoʻlovchilarsiz) poyezdlar harakati yoʻlga qoʻyildi.

Sinov muddati yakuni va yangi bekatlarning yoʻlovchilar uchun xizmat koʻrsatishning boshlanish muddati toʻgʻrisidagi maʼlumotlar sinov natijalari asosida qoʻshimcha ravishda taqdim etiladi.