Ijtimoiy tarmoqlarda kichik yoshdagi bolaning bogʻchaga yuzi va koʻzlari jarohatlangan holda kelgani va uni otasi kaltaklaganini aytib berishi tasvirlangan video tarqaldi. Bolalar ombudsmani holatga munosabat bildirdi.

Dastlabki maʼlumotga koʻra, mazkur zoʻravonlik fakti Samarqand viloyati Urgut tumanida yuz bergan boʻlib, hozirda tuman IIB tomonidan mazkur holat yuzasidan tergov harakatlari olib borilmoqda. “Murgʻak bolaga nisbatan bunday shafqatsiz munosabatda boʻlish holati Bolalar ombudsmani tomonidan nazoratga olindi”, – deyiladi munosabatda.

Qayd etilishicha, unga nisbatan bunday harakatga yoʻl qoʻygan shaxslar kim boʻlishidan qatʼi nazar qonunan javob berishi taʼminlanadi.