Namangan davlat universitetining biologiya yo‘nalishida ta’lim olayotgan 3-bosqich talabasi oilaviy kelishmovchilik sababli oʻz joniga qasd qilgan va vafot etgan. Bu haqda universitet ma’muriyati ma’lumot berdi.

Talaba oʻquv jarayonida faol, fanlarni muntazam ravishda oʻzlashtirib kelgan. Marhum talabaning oila aʼzolari universitetga hech qanday eʼtiroz va daʼvolari yoʻqligini maʼlum qilgan.

Ayni paytda tegishli huquqni muhofaza qiluvchi organlar tomonidan holat yuzasidan oʻrganish olib borilmoqda. Universitet ma’muriyati odob-axloq yuzasidan vafot etgan qizning shaxsini ochiqlamagan.