Toshkent shahrida 2 ta katta sigʻimli elektrobuslar harakatlana boshladi.

“Toshshahartransxizmat”ga koʻra, ular Toshkent shahri uchun xarid qilingan 200 dona oʻta katta sigʻimli King Long rusumli avtobuslarga ishlab chiqaruvchi zavod — “Xiamen King Long United Automotive Industry Co., Ltd” tomonidan bonus tariqasida qoʻshimcha ravishda taqdim etilgan.

Mazkur katta sigʻimli elektrobuslar 2023-yil 6-dekabr kunidan boshlab, “2-avtobus saroyi”ga biriktirilgan 14-sonli “TTZ ASHB — Toshkent vokzali” avtobus yoʻnalishida xizmat koʻrsatadi.