4-dekabrdan Andijon viloyatidagi avtomobillarga gaz toʻldirish kompressor shoxobchalari (AGTKSH)da cheklovlar joriy etildi.

Viloyat hokimligi matbuot xizmatining maʼlum qilishicha, gaz jadvalga muvofiq — soat 06:00 dan 15:00 gacha beriladi. Qaror havoning keskin sovib ketishi tufayli tabiiy gazni birinchi navbatda aholi xonadonlari, elektr energiyasi ishlab chiqaruvchi korxonalar hamda ijtimoiy soha obyektlari (maktab, bogʻcha, shifoxona va boshqalar)ga yetkazib berishni taʼminlash bilan izohlanadi.

Viloyatdagi haydovchilardan avtoulovlarga gaz toʻldirish zaruriyatini shu vaqt oraligʻida texnika xavfsizligi qoidalari asosida amalga oshirish soʻralgan.