“Toshshahartransxizmat” AJ avtobus saroyi filiallarida 2 ming 17 dona harakat tarkibi mavjud.

OʻzAga koʻra, shundan 672 donasi dizel yoqilgʻisida (33 foiz), 1 ming 20 donasi tabiiy gaz yoqilgʻisida (50 foiz), 324 donasi elektr energiyasida (17 foiz) harakatlanadi. 2022—2023-yillarda sotib olingan avtobuslarning 58,7 foizi siqilgan tabiiy gazda, 21,4 foizi elektr energiyasida harakatlanadi.

Natijada, harakat tarkibining oʻzidan chiqadigan zararli moddalar miqdori 2022-yilda 5,1 ming tonnani, 2023-yilda 4,8 ming tonnani tashkil etgan. 2024-2030-yillarda qoʻshimcha 1 200 dona elektrobus xarid qilish va avtobuslarni tabiiy gaz yoqilgʻisiga oʻtkazish koʻzda tutilgan.

2024-yilda harakat tarkibini 200 dona elektrobus bilan yangilash orqali zararli moddalar miqdorini yillik 4,6 ming tonnagacha kamayishiga erishish rejalashtirilgan.