Tashqi mehnat migratsiyasi agentligi Olmaotadagi yongʻinda halok boʻlgan oʻzbekistonliklar haqida maʼlumot berdi.

Unga koʻra, hostelda asosan talabalardan iborat 72 kishi yashagan. Hostel yertoʻlasi koridoridan boshlangan yongʻin oqibatida 13 kishi halok boʻlgan.

Halok boʻlganlarning 2 nafari, yaʼni 2000-yilda tugʻilgan N.A. va 2000-yilda tugʻilgan S.K. Oʻzbekiston fuqarolari hisoblanadi.

Hozirgi vaqtda mazkur holat Oʻzbekistonning Olmaota shahridagi Bosh konsulxonasi va Tashqi mehnat migratsiyasi agentligi vakolatxonasi tomonidan nazoratga olingan. Vafot etganlarning jasadlarini Oʻzbekistonga qaytarish choralari koʻrilmoqda.