Oʻzbekiston Respublikasi Prezidenti Shavkat Mirziyoyev Birlashgan Arab Amirliklari Prezidenti Shayx Muhammad bin Zoid Ol Nahayonning taklifiga binoan Birlashgan Millatlar Tashkilotining Iqlim oʻzgarishi boʻyicha konferensiyasida ishtirok etish uchun 30-noyabr kuni amaliy tashrif bilan Dubay shahriga joʻnab ketdi.

Tashrif doirasida davlat rahbari global iqlim sammitining yalpi sessiyasida nutq soʻzlashi kutilmoqda.

Shuningdek, xorijiy mamlakatlarning davlat va hukumatlari, xalqaro tashkilotlar va yetakchi kompaniyalar rahbarlari bilan qator uchrashuv va muzokaralar oʻtkazilishi koʻzda tutilgan.