Shoyatbek Boboyev Andijon viloyatining Paxtaobod tumaniga hokim etib tayinlandi.

Boboyev ushbu lavozimda 2022-yil oktyabridan beri ishlayotgan Azizbek Latifjonovning (sobiq favqulodda vaziyatlar vaziri oʻrinbosari) oʻrnini egalladi.

Shoyatbek Boboyev 1981-yilda Xonobod shahrida tugʻilgan. 2011-yilda (sirtqi) Andijon qishloq xoʻjalik institutini, 2016-yilda Prezident huzuridagi davlat boshqaruvi akademiyasini tamomlagan.

U “Uz-koje”, “Oʻzbekiston temiryoʻllari”, “Toshkent mexanika zavodi” aksiyadorlik jamiyatlari, Xoʻjaobod tumani hokimligi va uchta vazirlikda rahbarlik lavozimlarida ishlagan.

Hokim lavozimiga qadar u Investitsiyalar, sanoat va savdo vazirligining mashinasozlik (uskunasozlik) va elektrotexnika sanoati boshqarmasi boshligʻi lavozimida faoliyat yuritib kelayotgandi.