Ijtimoiy tarmoqlarda Labo haydovchisi yuklar ustini toʻsish uchun bayroqdan yopqich sifatida foydalangani aks etgan foto tarqaldi.

Holat yuzasidan Andijon viloyati hokimligi izoh berdi. Unga koʻra, avtomashina egasi aniqlangan.

“Hozirda Andijon viloyati IIB YHXB tomonidan ushbu avtomashina Shahrixon tumanida istiqomat qiluvchi fuqaroga tegishli ekani aniqlandi. Holat boʻyicha tegishli tartibda IIB hamkorligida harakatlar olib borilmoqda”, — deyiladi hokimlik axborotida.

Eslatib oʻtamiz, iyul oyida Davlat bayrogʻi toʻgʻrisidagi qonunga oʻzgartirish kiritilgandi. Unda bayroqqa nisbatan hurmatsizlik qilish holatlari aniq belgilangandi.