Toshkent viloyatining Boʻstonliq tumanidagi Oqtosh qishlogʻida bodom gulladi. Bu haqda iqlimshunos Erkin Abdulahadov xabar qildi.

Uning qayd etishicha, bu hudud uchun ommaviy gullashga oʻxshamaydi.
 

“Oy davomida yuqori issiqlik toʻlqinlari daraxtlar tanasiga issiqlik stressini ulashishda davom etmoqda.

Hatto togʻlarda qishki uyquga otlangan bodom daraxtida qayta faollik hamda gullash davri kuzatilibdi”, deb yozadi Erkin Abdulahadov.
 

Mikroiqlim yoki daraxt ildizi atrofida issiqlik uzatish tizimlari taʼsiri boʻlishi mumkin (daraxt fiziologiyasida muammolar borligi ham inkor etilmagan). Shunga qaramay, bu togʻ landshafti uchun juda noodatiy hodisa hisoblanadi.