23-noyabr kuni Oʻzbekistonda umumiy hisobda 5 marta zilzila qayd etildi. Shulardan 4 tasi Surxondaryoda kuzatilgan boʻlsa, yana bir holat Samarqandda sodir boʻldi.

FVV Seysmoprognostik monitoring markazi Surxondaryo viloyati Qumqoʻrgʻon tumanida 4 ta yer silkinish holatini qayd etdi. Tumanda soat 04:28 da 3,4 magnitudali, soat 14:08 3,5 magnitudali, soat 14:36 da 3,9 magnitudali va soat 16:28 da 3,3 magnitudali zilzila qayd etilgan.

Oxirgi zilzila Samarqand viloyati Narpay tumanida soat 22:38 da sodir boʻldi. Zilzila epitsentri Narpay tumanida boʻlib, magnitudasi 2,9 ni tashkil etdi.