Toshkent shahar hokimligi tadbirkorlarni yer usti metro liniyalari ostidagi hududlardan foydalanish boʻyicha hamkorlikka chaqirdi.

Poytaxt hokimligi axborot xizmatiga koʻra, yer usti metro liniyalari ostidagi foydalanilmayotgan yerlarning umumiy maydoni 100 ming kvadrat metrni tashkil etib, uning kamida 50 foizi tadbirkorlar uchun qoʻshimcha daromad nuqtasiga aylanishi va shu orqali aholi farovonligi, hududlardan foydalanish samaradorligini oshirishga xizmat qilishi mumkin.

Bundan tashqari, ushbu binolarni sotib olish yoki ijarasi narxi turar-joy majmualarining birinchi qavatlaridagi noturarjoy obyektlariga nisbatan ancha hamyonbop. Ilgari bu joylarda bolalar oʻyin maydonchalari, sayr qilish uchun hududlar yaratilgan boʻlib, ular bolalar, ularning onalari va buvilarining sevimli maskaniga aylangan edi. Qish fasli yaqinlashayotgani munosabati bilan keyinchalik ularda joylashgan doʻkonlar, qahvaxonalar va oʻyin maydonchalariga tutash hududlar aholisi uchun yana bir qulay maskanga aylanishi kutilmoqda.

Sinov tariqasida oʻtgan yilning oʻrtalarida 2-metro bekati yaqinida tijorat binolari ochilgan. Loyiha muvaffaqiyatli amalga oshirilgach, uni 3 va 4-stansiyalar oraligʻida — aholi zichroq joylashgan hududlarda amalga oshirishga qaror qilindi. Keyinchalik, birinchi bosqichda “Rohat” aylanma yoʻligacha, ikkinchi bosqichda esa “Rohat” aylanma yoʻlidan “Qoʻyliq” bozorigacha boʻlgan obyektlar tashkil etish rejalashtirilgan.

Albatta, biz bunday ish surʼati normal emasligini tushunamiz, tezkor ish surʼati mahalliy aholi uchun keltiriladigan noqulayliklar davomiyligini qisqartirish va ushbu mavsumda qulay ob-havo sharoitidan foydalanish istagi bilan izohlanadi. Bu borada shahar va tuman hokimliklari boshlagan ishni tezroq nihoyasiga yetkazish uchun birlashdi.

Vaziyatdan va ushbu obyektlarga boʻlgan katta qiziqishdan foydalangan holda, hokimlikning Investitsiya boshqarmasi manfaatdor shaxslarga ushbu joylarni ijaraga olish imkoniyati haqida maʼlum qiladi. Murojaat uchun telefon raqami: 71-210-02-50.