Singapurning Toshkentdagi TMC(Texnologiya, menejment va kommunikatsiya) institutida Xalqaro Psixologlar kuniga bagʻishlangan tadbir boʻlib oʻtdi. Unda psixologiyaning bugungi kunda inson hayotidagi oʻrniga alohida eʼtibor qaratildi.

Bayram tadbirida TMC institutning “Pedagogika va psixologiya” yoʻnalishi talabalari faol ishtirok etdi. Ular turli xil psixologik metodlar, savol – javoblar, sahna koʻrinishlari raqs va qoʻshiqlar orqali inson miyasi yashiradigan bilimlarning kichik bir qismini namoyon qilishdi. Tadbirda talabalar tomonidan aholi oʻrtasida oʻtkazilgan psixologik savol-javoblar natijalari ham taqdim etildi. Shuningdek, jarayonda zaldagi tomoshabinlar bilan birgalikda “Ranglar metodikasi”, “Tafakkur metodikasi” yoʻnalishida turli xil psixologik treninglar oʻtkazildi.