21-noyabr kuni ijtimoiy tarmoqlarda Toshkent shahar 7-son klinik shifoxonasida shifokor va fuqarolarning bir-birlari bilan janjallashayotgan holati aks etgan videotasvir tarqalgan edi.

Ushbu holat yuzasidan Jinoyat kodeksining 277-moddasi (bezorilik) bilan jinoyat ishi qoʻzgʻatildi. Ichki ishlar organlari tomonidan tergov harakatlari olib borilmoqda.

Bungacha Bosh prokuratura mazkur videoxabarda koʻrsatilgan shaxs oliy taʼlim muassasasi talabasi ekanligini maʼlum qilgandi. Shuningdek, Toshkent shahar Sogʻliqni saqlash bosh boshqarmasi ham holatga izoh bergandi.