Ijtimoiy tarmoqlarda kuyov kelinni uydan vertolyotda olib ketayotgani, ortidan yettita Captiva avtomobili korteji harakatlangani aks etgan video tarqaldi.

Toshkent viloyati Yoʻl harakati xavfsizligi boshqarmasi video yuzasidan axborot berdi. Unga koʻra, voqea Oqqoʻrgʻon tumanida sodir boʻlgan. Kortej yoʻl harakati qoidalarini buzgan holda boshqa harakat ishtirokchilariga xalaqit bergani taʼkidlangan.

Haydovchilarga nisbatan 129-modda (Transport vositalari haydovchilarining yoʻl harakati xavfsizligiga tahdid soluvchi guruh boʻlib harakat qilishda qatnashishi) boʻyicha maʼmuriy bayonnomalar rasmiylashtirilgan.