Toshkent shahrining bir nechta koʻchalari “Yangi nafas” hamda “Ekiden” xalqaro ommaviy yugurish musobaqalari sabab 2 kunga yopiladi.

Poytaxt hokimligi axborot xizmatining xabar berishicha, 19-noyabr kuni Davlat bayrogʻi kuni va Konstitutsiya kuniga bagʻishlangan “Yangi nafas” hamda “Ekiden” xalqaro ommaviy yugurish musobaqalari boʻlib oʻtadi. Tadbirlar munosabati bilan shahrimizning bir necha koʻchalari vaqtincha yopiladi.

17-noyabr kuni soat 00:00 dan 19-noyabr kuni soat 12:00 gacha:

Afrosiyob koʻchasining Islom Karimov koʻchasi bilan kesishmasidan Beshyogʻoch koʻchasi bilan kesishmasigacha boʻlgan qismi;

19-noyabr kuni soat 06:30 dan 09:30 gacha:

Afrosiyob koʻchasining Islom Karimov koʻchasi bilan kesishmasidan boshlab Oybek, Nukus va Abdulla Qodiriy koʻchalari.

Haydovchilarga aylanma yoʻllardan foydalanish tavsiya etilgan.