Toshkentda Nexia-3 rusumli avtomashina ustiga daraxt qulab tushdi va yoʻlovchi oʻrindigʻida oʻtirgan 26 yoshli qiz halok boʻldi.

“Millar” koʻrsatuvida maʼlum qilinishicha, 12-noyabr kuni Yangihayot tumanida sodir boʻlgan fojiada yoʻl boʻylab ketayotgan Nexia-3 rusumli avtomashinaning ustiga toʻsatdan ulkan daraxt qulab tushgan.

Voqea joyiga yetib kelgan tez tibbiy yordam xodimlari orqa yoʻlovchi oʻrindigʻida oʻtirgan qizga ochiq bosh jarohati tashxisini qoʻyishgan. Jabrlanuvchi zudlik bilan kasalxonaga yetkazilgan, ammo koʻrsatilgan muolajalarga qaramay, u vafot etgan. Mashina haydovchisi omon qolgan.

“Sodir boʻlgan fojia baxtsiz hodisadir, chunki yiqilgan daraxtni koʻzdan kechirish paytida hech qanday qurish belgilari topilmadi, daraxt mutlaqo sogʻlom edi”, deydi Yangihayot tumani hokimligi xodimi.