Toshkent shahrining Bobur koʻchasi va “Toshkent” xalqaro aeroportini bogʻlovchi yoʻl oʻtkazgichning birinchi bosqich qurilish-montaj ishlari yakunlandi.

Transport vazirligining xabar berishicha, yoʻl oʻtkazgich amalda sinab koʻrilgan. Undan 4 ta avtotreyler (har biri 35 tonna) va 4 ta harbiy tank (har biri 40 tonna) oʻtkazilib, 300 tonna yuklama berilgan.

Sinov natijalariga koʻra yoʻl oʻtkazgich mustahkam ekani, berilgan yuklamadan ham ortigʻiga bardoshli ekani aniqlangan.