Oliy taʼlim muassasalarining bakalavriat taʼlim yoʻnalishlariga kirish test sinovlariga tayyorgarlik koʻrish uchun oʻqishga tavsiya etilgan darsliklar va oʻquv adabiyotlari roʻyxati Bilimni baholash agentligining rasmiy veb-saytida eʼlon qilindi.

Oʻqishga tavsiya etilgan darsliklar roʻyxati Oʻzbekiston Respublikasi Maktabgacha va maktab taʼlimi vazirligi va Qoraqalpogʻiston Respublikasi Maktabgacha va maktab taʼlimi vazirligi tomonidan tavsiya etilgan oʻquv adabiyotlar roʻyxati asosida shakllantirilgan.

Darsliklar 2023-2024-oʻquv yilida umumtaʼlim maktablari hamda akademik litseylarni bitiruvchi oʻquvchilar va boshqa abituriyentlarning OTMlarga kirish test sinovlariga tayyorgarlik koʻrishlari uchun tavsiya sifatida taqdim etilgan.

Toʻliq roʻyxat bilan bu yerda tanishish mumkin.