Yurtimizning chegaraoldi mahallalarida yashovchi yoshlarni turli yot gʻoyalar girdobiga tushib qolishini oldini olish, ularni Vatanga muhabbat, milliy va umuminsoniy qadriyat hamda anʼanalarga hurmat, istiqlol gʻoyalariga sadoqat ruhida tarbiyalash maqsadida Respublika Maʼnaviyat va maʼrifat markazi Davlat xavfsizlik xizmati Chegara qoʻshinlari bilan hamkorlikda “Vatan ostonasi” festivali boʻlib oʻtmoqda.

Joriy yilning sentabr-oktabr oyida dastlab Qoraqalpogʻiston Respublikasida boshlangan tadbirlar Fargʻona, Surxondaryo hamda Qashqadaryo, Samarqand viloyatlarida davom etdi.

Ijodiy jamoaning navbatdagi manzili Namangan viloyati boʻldi. Hududning Yangiqoʻrgʻon tumanidagi tumanida joylashgan Koʻkyor Madaniyat markazida hududda istiqomat qilayotgan yoshlar, harbiy xizmatchilar va ularning oila aʼzolari ishtirokida “Vatan ostonasi!” shiori ostida “Maʼnaviyat karvoni” oʻtkazildi.

Tashkil etilgan tadbirda hamkor tashkilotlar masʼul xodimlari, Maʼnaviyat festivalida Respublika Maʼnaviyat va maʼrifat markazi harbiy vatanparvarlik boʻlimi boshligʻi Maxfirat Zikirova, “Maʼrifat” targʻibotchilari jamiyati aʼzosi, falsafa fanlari doktori, professor, Oʻzbekistonda xizmat koʻrsatgan yoshlar murabbiyi Jamila Shermuhammedova, Oʻzbekistonda xizmat koʻrsatgan artist Alisher Otaboyev, “Maʼrifat” targʻibotchilari jamiyati aʼzosi, yuridik fanlari doktori, professor Feruza Muhiddinova, Oʻzbekistonda xizmat koʻrsatgan artist Tolib Hojiyev, shoir, qator qoʻshiqlar muallifi Anvarjon Nishonov, Oʻzbekiston veteranlar birlashmasi qoshidagi “Vatanparvar fidoyilar” badiiy targʻibot jamoasi rahbari Alisher Hamroyev, Oʻzbekiston DXX Chegara qoʻshinlari podpolkovnigi Elbek Sharipov, RMMM Namangan viloyati boʻlimi rahbari Musoxon Appokov, Yangiqoʻrgʻon tumani hokimi, tuman Maʼnaviyat va maʼrifat kengashi raisi Asadulla Najmiddinovlar ishtirok etdilar.

Tadbir davomida chegara qoʻshinlari xizmatchilari tomonidan qurol aslahalari, harbiy texnikalar, kuzatuv va aloqa moslamalari namunalari asosida koʻrgazmalar namoyish etildi. Shuningdek, harbiy xizmatchilarning jangovar tayyorgarlik boʻyicha koʻrgazmali chiqishlari namoyish etildi.
 

Eslatib oʻtamiz, festival viloyatning boshqa hududlarida ham davom etadi.