Oʻzbekistonda oktabr oyining oxirgi kunida yogʻib oʻtgan yomgʻir va sovuqdan soʻng, noyabr quruq va ancha iliq ob-havo bilan boshlanadi, deb xabar bermoqda “Oʻzgidromet”.

Qayd etilishicha, oyning birinchi besh kunligida Oʻzbekistonning barcha hududlari boʻyicha havo biroz bulutli boʻladi, baʼzi joylarda oʻzgarib turadi, yogʻingarchilik kutilmaydi. Shamol birozdan oʻrtacha tezlikkacha esadi.

1-noyabrda kunduzi havo harorati +17...+19 daraja iliq boʻladi, 2-5-noyabr kunlariga +21...+24 darajagacha asta-sekin koʻtariladi. Faqat kechasi va ertalab +5...+10 daraja boʻlgan harorat bilan salqin boʻlishi kuzatiladi.

Keyinchalik, oyning oxirigacha, dastlabki baholashga koʻra, 2023-yil noyabr oyida respublika hududining katta qismida harorat kechalari +5...+10 darajadan +0...+5 darajagacha, kunduz kunlari +15...+20 darajadan +7...+12 darajagacha oʻzgarib turishi kutilmoqda. Sovuq havo davrlarida esa kechasi va ertalab -0...-2 darajagacha boʻlishi mumkin.

Respublika shimolida ancha past harorat fonida — harorat kechalari +2...+7 darajadan -2...-7 darajagacha, kunduz kunlari +10...+15 darajadan +7...+12 darajagacha oʻzgarib turishi kutilmoqda.

Ushbu noyabr oyida yogʻingarchilik meʼyor atrofida, baʼzi joylarda meʼyordan koʻp boʻlishi kutilmoqda. Yogʻingarchilik asosan yomgʻir koʻrinishida yogʻadi, sovuq davrlarda esa qorga aylanadi.