UzAuto Motors kompaniyasi fuqarolarni Chevrolet avtomobillari uchun kontraktatsiya boshlangani haqidagi maʼlumotlarni faqat rasmiy kanallardan olishga chaqirdi.

“Bugun bir qancha avtoixlosmandlar avtomobillar uchun kontraktatsiya boshlanganligi toʻgʻrisidagi mish-mishlarga ishonib, ertalabdan dilerlik markazlariga kelishgani sababli dilerliklarda katta navbatlar yuzaga keldi.

Hurmatli xaridorlar, sotuv boshlanganligi toʻgʻrisida va boshqa murojaatlar boʻyicha maʼlumotlarni UzAuto Motorsʼning rasmiy kanallaridan olishingiz mumkin”, — deyiladi xabarda.

Qayd etilishicha, bugun, 29-oktabr kuni ommabop avtomobillar uchun shartnoma berish boshlanmagan.