Toshkent shahrining Bobur va Nukus koʻchalarida yoʻl taʼmirlash ishlari olib borilmoqda.

Qayd etilishicha, ishlar doirasida asfalt qoplamasini yangi texnologiyalar asosida yangilash, yangi yoʻl usti belgilarini chizish, hududga qoʻshimcha daraxt va butalar ekilishi koʻzda tutilgan.

“Boʻlib oʻtayotgan keng koʻlamli yoʻl taʼmirlash ishlari aholi noroziligiga, tirbandliklarga sabab boʻldi. Shu bilan birga, yogʻingarchiliklar sababli hamda kunduzgi tirbandliklarni biroz kamaytirish maqsadida ishlar asosan tungi soatlarda amalga oshirilmoqda.

Bu vaziyat uchun shahrimiz aholisi va mehmonlaridan uzr soʻraymiz. Mazkur jarayon hokimlikning qatʼiy nazoratida ekanligini va ishlar yakunlanishi 2–3-noyabr kunlariga rejalashtirilganini maʼlum qilamiz”, — deyiladi Toshkent shahri hokimligi xabarida.