Juma kuni Oʻzbekistonda yogʻingarchiliksiz oʻtadi, faqat togʻli hududlarning ayrim qismida kunning birinchi yarmida yomgʻir yogʻishi mumkin. Bu haqda “Oʻzgidromet” matbuot xizmati xabar berdi. Havo harorati +20…+25 daraja iliq boʻladi.

Dam olish kunlari mamlakat boʻylab havo biroz bulutli boʻladi, yogʻingarchilik boʻlmaydi. Havo harorati asta-sekin koʻtarilib, yakshanba kuni kunduzi havo +26…+29 darajagacha isiydi.

30-oktabr, dushanba kuni ham mamlakat boʻylab xuddi shunday quruq va iliq ob-havo davom etadi.

Toshkentda 27−29-oktabr kunlari yogʻingarchilik boʻlmaydi. Juma kuni havo harorati kunduzi +22…+24 daraja, shanba kuni +24…+26 daraja, yakshanba kuni esa +26…+28 darajagacha isiydi. Kechasi harorat +9…+12 darajagacha boʻlishi kutilmoqda.