Oʻzbekiston Respublikasi Prezidenti huzuridagi Statistika agentligi maʼlumotlariga koʻra, 2023-yilning 1-oktabr holatiga respublikaning doimiy aholisi 36 599 764 kishini tashkil etgan.

Doimiy aholisi soni oʻtgan yilning mos davri bilan solishtirilganda 2,2 % ga oshgan. Mamlakatimiz aholisi 2023-yil boshidan buyon 574,8 ming kishiga koʻpaygan.

Oʻzbekiston aholisi 2023-yilning har bir oyida oʻrtacha 63,9 ming kishiga oshgan. Yilning har bir kunida esa doimiy aholi soni oʻrtacha 2,1 ming kishiga koʻpaymoqda.