Abdulla Azizov Farmatsevtika tarmogʻini rivojlantirish agentligi direktori lavozimiga tayinlandi.

Azizov 2003-yilda Yaponiyaning Nagoya universiteti, 2004-yilda Jahon iqtisodiyoti va diplomatiya universitetini tamomlagan. Shuningdek, Daniyaning Orxus universitetida magistratura, Orxus texnika kollejida IT-dasturchi mutaxassisligi boʻyicha tahsil olgan.

2006–2019-yillarda Daniyadagi qator nufuzli kompaniyalarda masʼul lavozimlarda, 2019–2020-yillarda Oʻzbekiston Davlat soliq qoʻmitasi raisi oʻrinbosari hamda 2020–2022-yillarda Sogʻliqni saqlash vazirining oʻrinbosari vazifalarida faoliyat koʻrsatgan.

Azizov tayinlovga qadar “Olmaliq kon-metallurgiya kombinati” AJ boshqaruvi raisining oʻrinbosari lavozimida ishlab kelayotgandi.