Yandex Go taksi xizmati Oʻzbekistonda soliq rezidenti sifatida roʻyxatdan oʻtdi.

Qayd etilishicha, kompaniya respublika qonunchiligiga muvofiq ishlaydi va allaqachon mahalliy yuridik shaxsni roʻyxatdan oʻtkazgan.

1-dekabrga qadar Oʻzbekiston serverlarida maʼlumotlarni qayta ishlash ham mahalliylashtirish rejalashtirilgan.

“Bu xizmat mahalliy kompaniya tomonidan tegishli soliqlarni hisobga olgan holda taqdim etilishini anglatadi. Hozir jarayonlarni yoʻlga qoʻyyapmiz”, — deydi kompaniyaning MDHdagi rahbari Kirill Svinsov.

Qayd etish mumkin, avvalroq, Soliq qoʻmitasi Yandex Go kompaniyasiga ogohlantirish bergandi. Unga koʻra, agar kompaniya Oʻzbekistonda 1-dekabrga qadar soliq rezidenti sifatida roʻyxatdan oʻtmasa va belgilangan soliqlarni toʻlamasa mamlakatda ushbu xizmat bloklanishi maʼlum qilingan.