Navoiy viloyatining olis choʻl hududi Tomdi tumanida zamonaviy va barcha qulayliklarga ega Maʼnaviyat va maʼrifat maskani foydalanishga topshirildi.

Marosimda keng jamoatchilik, nuroniylar, yoshlar, Respublika Maʼnaviyat va maʼrifat markazi Navoiy viloyati boʻlimi rahbari Akramjon Muqimov, tuman hokimi Qayrat Aldabergenov hamda mutasaddi tashkilot rahbarlari ishtirok etdi.
 

Tantanali marosimda soʻz olgan Respublika Maʼnaviyat va maʼrifat markazi Navoiy viloyat boʻlimi rahbari Akramjon Muqimov ushbu maskan oʻziga xos ijodiy, rang-barang tadbirlar, loyihalar amalga oshiriladigan, ziyoli insonlar qadami arimaydigan joy boʻlishi lozimligini taʼkidladi hamda ziyo maskani kutubxonasi uchun kitoblar jamlanmasini tuhfa etdi.
 
Shuningdek, maskanda ijodkor va kitobxonlar uchun kutubxona, tuman Maʼnaviyat va maʼrifat boʻlinmasi uchun xizmat xonalari boʻlib, qulay sharoitlar yaratilgan.