Joriy yil 15-oktabr kuni kechki soat 16:00—17:00 atrofida Samarqand viloyati Oqdaryo tumani Taraqqiyot mahallasidagi xonadonda is gazidan zaharlanish holati yuz bergan. Natijada 3 kishi is gazidan zaharlanib vafot etgan.

Vafot etganlarning biri 3-sinf oʻquvchisi, yana biri esa 4 yoshli bola boʻlgan.

Bosh prokuratura bergan maʼlumotga koʻra, mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda. Ayni paytda Jinoyat kodeksining tegishli moddalari bilan jinoyat ishi qoʻzgʻatilgan.