Ijtimoiy tarmoqlarda Xorazm viloyati Xonqa tumanidagi xususiy bogʻchalarning birida tarbiyachi bolalarni kaltaklayotgani aks etgan video tarqaldi.

Videoda xonaga kirgan tarbiyachi bolalarning boshiga urib, ularni oʻrniga yotqizayotgani aks etgan.

Viloyat maktabgacha va maktab taʼlimi boshqarmasi holat yuzasidan munosabat bildirdi. Unga koʻra, voqea nodavlat taʼlim muassasasida sodir boʻlgan.

Tarbiyachi tarbiyalanuvchilarga qoʻpol munosabatda boʻlgani va ichki mehnat tartib-qoidalarini qoʻpol ravishda buzgani uchun u bilan tuzilgan mehnat shartnomasi bekor qilingani aytiladi.