Qozogʻiston politsiyasi Chimkentdagi gʻisht zavodlarida noqonuniy ravishda ushlab turilgan 60 dan ortiq Oʻzbekiston fuqarosini mehnat qulligidan ozod qilgani haqida xabar berilgandi. Oʻzbekiston Tashqi mehnat migratsiyasi agentligi holat yuzasidan bayonot berdi.

Tashqi mehnat migratsiyasi agentligining Chimkent shahridagi vakili tomonidan Karatau tumani politsiyasi boʻlimida ushbu fuqarolar bilan suhbat oʻtkazilgan.

Ularga huquqlari haqida tushuntirilishlar olib borilgan. “Fuqarolarning asosiy qismi pasportlari qaytarib berilsa, vatanga qaytishini, ish beruvchiga nisbatan eʼtirozlari yoʻqligini bildirgan”, — deyiladi agentlik xabarida.